台灣味日記3

相隔5年,我地再次去到台灣。今次陣容方面就有少少改動!2010年第一輯先有Dic, Alice, Steve打頭陣。然後2012第二輯就有Dic, Alice, Nicky。去到第三輯,Steve再次歸隊同Dic兩人繼續台灣味日記。節目將會在今年秋季推出。

記事:

對上兩次台灣製作都係使用普通Handy Cam手提攝錄機。正當大家以為今次一定使用電影式單鏡反光拍攝,Steve就反傳統使用了一部價值US$599的一部運動型攝錄機拍攝正個旅遊節目。

GoPro拍攝心得!

小弟今次台灣之旅諗住玩吓嘢比個挑戰自己!用一部GoPro攝錄機拍攝正個旅遊節目。首先自己近年拍得太多旅遊節目,攞住成身器材都真係好辛苦!所以想嘗試下一部機仔可以拍倒啲咩。結果跌晒眼鏡!我以後都唔會再用GoPro黎拍旅遊節目。首先出發之前當然有考慮幾個因素,例如無Mon,無防震,同埋無得Zoom"任何時候都180'c 超級Wide Angle"係構圖方面會有啲困難。加上GoPro係使用一個極之細嘅感光元件,夜晚拍攝時當然會差到不得了。但係呢幾個都唔係主要原因!首先GoPro開機超級慢,好多時都Miss咗啲"Money Shot"。此外本人進行拍攝時,大多數都會用無線咪分開錄音。但係原來部GoPro主機Handle唔倒Audio level。所以所有第一日的聲爆曬唔用得,一啲都聽唔到!所以打後我就分開用錄音筆黎錄音啦。同埋部機超食電,影兩段片已經冇咗50%啦,一日起碼要用10舊電已上。容易換電就話啫,個死人殼拆出黎都用咗我幾分鐘!最嚴重最嚴重就係張咭Full咗唔話你知,你要自己Check得好密。我有一段片張咭Full咗我都唔知,事後要重拍。

話雖如此,咁GoPro都有兩個好處嘅。第一,部機超細超輕拍攝時超級輕鬆。第二,GoPro機仔細細好多時都無人理你,例如Shopping Mall & 餐廳,鍾意影乜就影乜。

總結

講到底,我都唔會再用佢黎拍嘢啦。做Back Up Cam或者B-Roll都仲可以嘅。其實唔係部機唔好,係我果種拍攝手法要求好高啫。其實一般旅行拍嘢都OK嘅!只不過唔太岩我,但講到尾都叫做曾經挑戰過自己啦!